También la lluvia

También la lluvia
Ficha técnica
Título orixinal	También la lluvia
Director	Icíar Bollaín
Produtor	Juan Gordon Pilar Benito Eric Altmayer Monica Lozano Serrano Emma Lustres
Guión	Paul Laverty
Intérpretes	Luís Tosar Gael García Bernal Juan Carlos Aduviri Karra Elejalde Raúl Arévalo
Música	Alberto Iglesias
Fotografía	Alex Catalán
Montaxe	Angel Hernández Zoido
Estudio	Morena Films Alebrije Cine y Video Mandarin Cinema
Distribuidora	Vitagraph Films
Estrea	Festival de Toronto: 16 de setembro de 2010
Duración	104 minutos
Orixe	España México Francia
Xénero	Drama
Orzamento	5  millóns de euros
Recadación	5,8 millóns de dólares
Na rede
https://www.hautetcourt.com/

También la lluvia é un filme dirixido por Icíar Bollaín que se estreou no 2010. É a quinta longametraxe de Bollaín e a primeira que non escribe ela, e parte dun guión de Paul Laverty, guionista habitual do británico Ken Loach, ademais de compañeiro e pai dos tres fillos da cineasta madrileña. O argumento versa sobre un director mexicano, Sebastián (Gael García Bernal), e o seu produtor executivo Costa (Luís Tosar), que viaxan a Bolivia para rodar un filme sobre a conquista de Cristovo Colón. Sebastián e Costa enfróntanse a unha crise de moral dende que eles e o seu equipo chegan a Cochabamba, Bolivia, xa que daquela estábanse producindo as Protestas de Cochabamba de 2000 e o seu actor nativo estrela, Daniel (Juan Carlos Aduviri) é o líder dos manifestantes.

O filme recibiu galardóns e nomeamentos internacionais, incluíndo un Premio Ariel para o mellor filme iberoamericano e tres Premios Goya, sendo un dos cales o de mellor banda sonora para Alberto Iglesias. Ademais, o filme foi considerado como candidato de España para o Óscar ó mellor filme en lingua non inglesa.

Sinopse

O filme está inspirado na Guerra da Auga que ocorreu en Cochabamba, Bolivia, en abril do 2000. Sebastián (Gael García Bernal) e Costa (Luís Tosar) son dous cineastas que se propuxeron facer un filme sobre Cristovo Colón e o Descubrimento de América. Namentres que Sebastián, o director, pretende desmitificar a figura de Colón, presentándoo como un home ambicioso e sen escrúpulos; a Costa, o produtor, só lle preocupa axustarse ó modesto presuposto do que dispoñen, razón pola cal elixe Bolivia, por ser un dos países máis baratos e con maior poboación indíxena de Hispanoamérica. A gravación sitúase en Cochabamba, onde a privatización e venda da auga a unha multinacional sementa entre a poboación un malestar tan grande que fará estalar a tristemente famosa Guerra Boliviana da Auga (abril do ano 2000). Cincocentos anos despois do descubrimento de América, paus e pedras enfróntanse de novo ó aceiro e á pólvora dun exército moderno. Pero esta vez non se loita polo ouro, senón polo máis imprescindible dos elementos: a auga.

Personaxes

• Luís Tosar como Costa, produtor executivo do filme
• Gael García Bernal como Sebastián, director do filme
• Juan Carlos Aduviri como Daniel, indíxena quechua que interpreta a Hatuey
• Karra Elejalde como Antón, actor español alcohólico que interpreta a Cristovo Colón
• Raúl Arévalo como Juan, actor español que interpreta o freire Montesinos
• Carlos Santos como Alberto, actor español que interpreta a Bartolomé de las Casas
• Cassandra Ciangherotti como María, asistente do director Sebastián
• Milena Soliz como Belén, filla de Daniel que interpreta a Panuca no filme
• Leónidas Chiri como Teresa, muller de Daniel

Produción

Rodada en Bolivia, na selva do Chapare e na cidade de Cochabamba, o filme é unha gran produción que contou con 4.000 extras en total, deles preto de 300 indíxenas, un equipo de 130 persoas e máis de 70 localizacións.

Premios

• 2010: 3 Premios Goya: Actor de elenco (Karra Elejalde), Música orixinal, Dirección de produción.
• 2011: Festival de Berlín (Sección Panorama): Premio do público.

Véxase tamén

Outros artigos

• Filmes de España propostos ó Óscar ó mellor filme internacional
• Filmes propostos ó mellor filme internacional na 83ª edición dos Óscar

Ligazóns externas

• Páxina oficial
• También la lluvia na IMDb (en inglés).
• Ficha en AllMovie (en inglés)
• Ficha en RottenTomatoes (en inglés)